Су спортынан Азия чемпионаты: Қазақстан құрамасы қарсыласын ірі есеппен ұтты
АСТАНА. KAZINFORM – Филиппиннің Нью-Кларк-Сити қаласында су спорты түрлерінен өтіп жатқан XI Азия чемпионатында су добынан Қазақстан ерлер құрамасы алғашқы ойында Шри-Ланканы 43:1 есебімен ойсырата жеңді.
Су добы. Топтық кезең. 1-ойын
Қазақстан - Шри-Ланка 43:1
Командамыздың құрамынан гол соққан ойыншылар: 9 - Кубайдолла, 7 - Сатбеген, 5 - Нұртаза, 4 - Әли, Пантеелев, Грибов, 3 - Белоусов, Мадимир, Сулейман, 1 - Балтабекұлы
В тобында біздің ватерполшыларымызбен бірге Сингапур, Шри-Ланка, Иран және Малайзия құрамалары ойнайды
А тобында Қытай, Жапония, Өзбекстан, Сауд Арабиясы, Таиланд командалары өзара шеберлік байқасады.
Естеріңізге сала кетейік, аталған Сарықұрлық біріншілігінде қазақстандық спортшылар жүзуден 20 алтын, 11 күміс, 5 қола жүлдемен жалпы командалық есепте екінші орынға ие болып, тарихи жетістікке қол жеткізген болатын.
