Сұлтан Әсетұлы грек-рим күресінен Азия чемпионатының жартылай финалына өтті

АСТАНА. KAZINFORM – Амманда (Иордания) күрес түрлерінен Азия чемпионаты басталды.

Турнирді алғашқы болып грек-рим күресінің спортшылары бастады.

63 келіге дейінгі салмақта өнер көрсететін қазақстандық Сұлтан Әсетұлы жарыстың жартылай финалына жолдама алды. 

Отандасымыз ширек финалда Доолотбек Чойбековпен белдесіп, сенімді жеңіске жетті. 

Еске сала кетейік, бұған дейін Иордания астанасы Амман қаласында күрес түрлерінен Азия чемпионаты басталатынын, балуандарымыздың қарсыластары белгілі болғанын жазған едік.