Сұлужон ауылында «Күншуақ» атты шағын орталық ашылды - Павлодар облысы

ПАВЛОДАР ОБЛЫСЫ. 21 желтоқсан. ҚазАқпарат /Вера Ливинцова/ - Сұлужон ауылының кішкентай 30 тұрғыны ҚР Тәуелсіздігінің 20 жылдығына орай тамаша тартуға ие болды.

Балалардың физикалық, шығармашылық және интеллектуалдық дамуы үшін барлық жағдай жасалған шағын орталық ашылды, деп хабарлады Баянауыл ауданының әкімдігі.

Шағын орталықтың ашылуында аудан әкімі Ернұр Әйткенов тәрбиешілер мен кішкентай бүлдіршіндерді құттықтады. Сондай-ақ «Майкөбе Вест» ЖШС мекемеге жаңа музыкалық аппаратураны сыйға тартты.

Шағын орталықтың құрылысы мен оның жабдықталуына бюджеттен 3,9 млн. теңге бөлінді.

Осы жылы «Балапан» бағдарламасы бойынша Павлодар облысында 2330 мектепалды дайындық мекемесі құрылды, деп хабарлады білім басқармасы.

Айта кетейік, бүгінгі күні аймақтың балабақшасы мен шағын орталықтарына 35 мың қалалық және ауылдық балалар барып жүр. Сондай-ақ 5-6 жастағы балалардың 100 пайызы, 3-тен 6 жасқа дейінгілердің 90 пайызы балабақшалар мен шағын орталыққа тартылған.