Сумен жабдықтау жүйелерінің құрылысын салу және қайта құру үшін бюджеттен бөлінген қаражатты ЖШС басшылары жымқырған

АЛМАТЫ. Маусымның 3-і. ҚазАқпарат – Алматы облысы бойынша Экономикалық және сыбайлас жемқорлыққа қарсы күрес департаменті ЖШС-лардың бірінің басшыларына қатысты қылмыстық іс қозғады.

Олар сумен жабдықтау жүйелерінің құрылысын салу және қайта құру үшін бюджеттен бөлінген 2,4 млн. теңге сомасындағы қаражатты жымқырып, мемлекетке көрсетілген сома көлемінде зиян келтірген, деп хабарлайды ҚазАқпарат аталмыш департаменттің баспасөз қызметіне сілтеме жасап.