Суперкомпьютер цифрлық егемендікке жасалған маңызды қадам болмақ – Жаслан Мәдиев
АСТАНА. KAZINFORM – Ұлттық суперкомпьютерді іске қосу технологиялық тәуелсіздікті қамтамасыз етеді және Қазақстанды цифрландырудың негізгі қадамына айналады. Бұл туралы «Jibek Joly» телеарнасының тікелей эфирінде Цифрландыру және аэроғарыш өнеркәсібі министрі Жаслан Мәдиев мәлімдеді.
Оның айтуынша, бүгінде отандық стартаптар, бизнес құрылымдары мен қаржы ұйымдары есептеу қуатын Amazon және Google сияқты шетелдік IT алпауыттарынан жалға алуға мәжбүр.
– Біздің жеке суперкомпьютеріміздің пайда болуы жасанды интеллектіні енгізуді жылдамдатады, сыртқы инфрақұрылымға тәуелділікті азайтады және елді технологиялық қауіпсіздікпен қамтамасыз етеді, - деді министр.
Еске сала кетейік, бұған дейін Мемлекет басшысы Қасым-Жомарт Тоқаевтың суперкомпьютерді іске қосу рәсіміне қатысқанын хабарлаған едік.
