Суретші, монументалист, педагог Айтымбай Молдабековтің туғанына — 100 жыл

АСТАНА. KAZINFORM – Бүгін суретші, монументалист, педагог Айтымбай Молдабековтің туғанына 100 жыл толды. Бұл туралы Мәдениет және ақпарат министрлігінің баспасөз қызметі мәлімдеді.

Суретші 1952 жылы Абай атындағы қазақ ұлттық опера және балет театрында жұмыс істей бастады. Ол алғашқы кәсіби театр режиссерлерінің бірі болды.

Қылқалам шебері 20-дан астам қойылым декорациясын дайындаған. Оларға Ф.Яруллиннің «Шурале», Н.А.Римский-Корсаковтың «Кащей бессмертный», В.Великановтың «Қамбар және Назым», Дж. Пуччини «Флория Тоска», Дж. Верди «Травиата» және т.б. жатады.

Айтымбай Молдабеков 1960 жылдан 1975 жылға дейінгі кезеңде әскери-патриоттық, тарихи-револициялық, еңбек, отбасы, бақыт, махаббат және бейбітшілік тақырыптарында сурет салды. Біртуар шебер өзінің еңбектерінде адам сезімін шынайы жеткізе білді.