Сыр өңіріндегі эпикалық жыршылық дәстүр проблемасы талқыланды

ҚЫЗЫЛОРДА. Қаңтардың 10-ы. ҚазАқпарат (Руслан Игілік) - Облыстық тарихи-өлкетану музейінде Сыр өңіріндегі эпикалық жыршылық дәстүр проблемасы мен Нұртуған Кенжеғұлұлы қалыптастырған жыршылық мектептер тақырыбын қамтыған республикалық ғылыми-танымдық конференция болып өтті,
None
None

деп хабарлайды ҚазАқпарат тілшісі.

Нұртуғанның атасы Еспембет суырыпсалма ақын, әкесі Кенжеғұл - шебер күйші, анасы Айсұлу шежіреші болған. Сауатын ауыл молдасынан ашып, кейін медреседе Мұхам­меди молдадан дәріс алған. Алғашқы эпикалық туындысы «Едіге» жыры 1910 жылы жазылған. Сол жылдары Арал өңірінде дәстүрлі жыршылық, ақындық өнер мектебін қалыптастырды. Сонымен қатар, «Мәулімнияз-Едіге», «Орақ-Мамай», «Қарасай-Қази», «Қобыланды», тағы басқа ірі эпикалық жырлары қазақ халқының өшпес мұрасына айналды.

Басқосу барысында алматылық қаламгерлер - бірқатар азаматтар аталмыш тақырып жөнінде өз ой-пікірлерін білдірді. Конференцияны облыстық мәдениет басқармасының бастығы, ақын мұраларын зерттеуші ғалымдардың бірі Берік Жүсіпов қорытты.

Соңғы жаңалықтар