Сырдария өзеніндегі сең көшкіні Қызылорда қаласының тұсынан өтіп жатыр

ҚЫЗЫЛОРДА. 6 наурыз. ҚазАқпарат - Қазіргі күні Сырдария өзеніндегі сең көшкіні Қызылорда қаласының тұсынан төменге қарай өтіп барады.

Бұл туралы Төтенше жағдайлар министрлігіне қарасты облыстық департаменттің баспасөз қызметі хабарлады.

«Сеңнің көші дәл қазіргі сағаттарда облыс орталығының батыс шетіндегі жылу электр орталығының маңында. Мұздың қалыңдығы 13-15 см. Ол Тасбөгеттегі «Қызылорда су торабынан» 17 шақырым қашықтықта. Ауаның температурасы +8 градус. Су температурасы 0 градус. Елді мекендерге қауіп жоқ», делінген хабарламада.