Таеквондодан Азия чемпионатына қатысатын Қазақстан командасы анықталды
АСТАНА. KAZINFORM – 21-24 мамыр аралығында Моңғолия астанасы Ұлан-Батырда таеквондодан (WT) ересектер арасындағы XXVII Азия чемпионаты өтеді, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Бас бапкер Есбол Сұлтанов жетекшілік ететін жаттықтырушылар қосыны бекіткен тізімде 19 даянг шебері бар. Назарыңызға толық құрамды ұсынамыз.
Ерлер:
Еркебұлан Еңсегенов (-54 кг)
Жавохирхон Исламов (-58 кг)
Азим Ниязов (-63 кг)
Самирхон Абабакиров (-63 кг)
Сұлтанбек Орынбек (-68 кг)
Эльдар Бірімбай (-74 кг)
Мерген Ғаниев (-80 кг)
Батырхан Төлеуғали (-80 кг)
Мейір Нұрғазин (-87 кг)
Бейбарыс Қабылан (+87 кг)
Әйелдер:
Айдана Құмартаева (-46 кг)
Нодира Ахмедова (-49 кг)
Азиза Қаражанова (-53 кг)
Айдана Сүндетбай (-53 кг)
Тоғжан Қазынабек (-57 кг)
Камила Аймұқашева (-62 кг)
Аяулым Асқар (-67 кг)
Назым Махмутова (+73 кг)
Ақсәуле Ерқасымова (+73 кг)
G4 санатына жататын сары құрлық чемпионатында Лос-Анджелес Олимпиадасына рейтингілік ұпай сарапқа салынады.
Айта кетейік, спорттың бұл түрінен Азия чемпионаты 2 жылда бір болады. Осыған дейін 2024 жылы жарысты Вьетнамның Дананг қаласы қабылдаған. Ол кезде Қазақстан Мария Севостьянова (-57 кг) қол жеткізген күміс жүлденің арқасында жалпыкомандалық есепте 8-сатыға тұрақтаған.
Спорттық гимнастикадан Challenge Cup кезеңіне Қазақстан құрамасынан кімдер қатысатыны анықталғанын жазған едік.
