Таеквондодан жасөспірімдер арасындағы әлем чемпионаты: Қазақстан қоржыны тағы бір медальмен толықты

АСТАНА. KAZINFORM – Оңтүстік Кореядағы Чунчхон қаласында жасөспірімдер арасындағы әлем чемпионаты жалғасып жатыр. Қазақстан қоржынына тағы бір жүлде түсті, деп хабарлады Ұлттық олимпиадалық комитет.

таеквондо
Фото: olympic.kz

Жүлдені Нұрали Махмут иеленді. Ол 55 келіге дейінгі салмақта күміс жүлде алды. Финал жекпе-жегінде Махмут ирандық Сина Мохтарамиден жеңілді, тиісінше Мохтарами «алтын» алды.

Үшінші орынды ресейлік Азат Бесаев пен Қытайдан келген Хаожань Тан бөлісті.

Айта кетелік, бұған дейін аталған додада Нұрай Қазнабек те күміс жүлде иегері атанған болатын (59 келіге дейінгі салмақта).

Соңғы жаңалықтар