Тағы бір отандық әуе компаниясы Наурыз айында қосымша рейстерді іске қосады

АСТАНА. KAZINFORM - Наурыздағы мерекелерге орай QAZAQ AIR әуе компаниясы қосымша рейстерді іске қосады. Аталған шара жолаушылар тарапынан жоғары сұранысты қанағаттандыруға мүмкіндік береді.

Бұл туралы ҚР Көлік министрлігінің баспасөз қызметі хабарлады.

Баспасөз қызметінің мәліметтеріне қарағанда, 2025 жылғы 16-23 наурыз аралығында келесі бағыттар бойынша 10 қосымша рейс орындалады:

• Астана — Шымкент: 4 қосымша рейс
• Астана — Алматы: 2 қосымша рейс
• Астана — Түркістан: 4 қосымша рейс

Естеріңізге сала кетейік, әуе компаниясының ұшақтары 2025 жылдың 1 мамырынан бастап Астана-Самарқанд бағытында қатынай бастайды.

Бұған дейін қазақстандық әуе компаниялар наурыздағы мерекелерге орай қосымша 120 рейсті іске қосатыны туралы хабарладық (Air Astana – 55, FlyArystan – 33, Scat – 32).

Қосымша ақпаратты келесі сілтеме бойынша алуға болады.