Таиланд королінің үлкен қызы қайтыс болды
АСТАНА.KAZINFORM - Таиланд королі Маха Вачиралонгкорнның үлкен қызы ханшайым Баджракитиябха үш жылдан астам уақыт комада жатып, 47 жасында қайтыс болды, деп хабарлайды Al Jazeera.
Ханшайым Баджракитиябха тайлықтар арасында мемлекеттік қызмет және әділет реформасы жобаларымен, әсіресе түрмеде отырған тай әйелдерін босатпас бұрын оңалту науқанын ұйымдастыруымен танымал болды.
Сарапшылар пікірінше, ол осы еңбектерімен король отбасының басқа мүшелерінен ерекшеленді.
Тақ мұрагерлігі ер адамдарға ғана мұраға қалатын, алайда жақында енгізілген конституциялық өзгерістер ханшайымның Тайландтың алғашқы әйел монархы болуы мүмкін екенін білдірді.
Таққа үміткер мұрагер қазіргі уақытта марқұм ханшайымның кіші інісі, 21 жастағы Дипангкорн Расмиджоти көпшілік алдында сирек шығады.
Ханшайым Баджракитиябха жүрек ауруына байланысты есінен танып қалғаннан кейін 2022 жылдың желтоқсанынан бері Бангкоктағы Король Чулалонгкорн ауруханасында ес-түссіз жатты.
Король сарайының үй шаруашылығы бюросының мәліметі бойынша, оның жағдайы 2026 жылдың мамыр айында іш қуысының инфекциясына байланысты нашарлаған. Сондай-ақ, ол қан қысымының төмендеуінен, жүрек соғысының бұзылуынан зардап шеккен.
Осыған дейін хабарлағанымыздай, Оңтүстік Кореяның экс-президентіне тағы 30 жылға бас бостандығынан айыру үкімі шығарылды.
