Таиландтағы фейерверк фабрикасында болған жарылыстан тоғыз адам қаза тапты

БАНГКОК. KAZINFORM — Таиландтың орталығындағы Супханбури провинциясында орналасқан фейерверк фабрикасында сәрсенбі күні болған жарылыстан тоғыз адам қаза тауып, тағы екі адам жарақат алды. Бұл туралы жергілікті билік хабарлады, деп жазды Синьхуа.

Табиғи апаттардың алдын алу және олардың салдарын жеңілдету департаментінің мәліметінше, жарылыс жергілікті уақытпен 11:10-да болған. Төтенше жағдайлар қызметі оқиға орнына дереу жетіп, зардап шеккендерді жақын маңдағы ауруханаға жеткізді.

Қазіргі таңда жарылыстың себебі анықталып жатыр. 

Еске сала кетейік, бұған дейін Үндістандағы фейерверк фабрикасында болған жарылыстан сегіз адам қаза тапқанын жазған едік.

Ал Нидерланд парламентінің жоғарғы палатасы 2026 жылдан бастап жеке тұлғаларға петардалар қолдануға толық тыйым салу туралы шешімді мақұлдады.

Германиядағы Рейн жәрмеңкесінде отшашудан 19 адам зардап шеккен еді.