Талдықорғандық мүмкіндігі шектеулі балалар Бельгиядағы халықаралық жарысқа қатысады

ТАЛДЫҚОРҒАН. ҚазАқпарат -Талдықорғандағы «Қамқор» психоневрологиялық әлеуметтік-медициналық мекемесінің 6 тәрбиеленушісі халықаралық жарысқа қатысады. Ол денсаулығында осындай кемістігі бар балалардың арасында Бельгияның Антверпен қаласында өтеді деп жоспарланған.

Талдықорғандық құраманың құрамына 3 қыз бен 3 ер бала енді. Олар жеңіл атлетика мен спорттық жүріс сындарына қатысады. Қазір «Қамқор» мекемесінің тәрбиеленшілері бұл жарыстарға қызу дайындық үстінде.

Балалардың бастамасына Алматы облысының полицейлері қолдау білдіріп, оларға жарысқа қатысуға киетін арнайы форманы сыйға тартты. Тәртіп сақшылары талапты өрендердің Қазақстан намысын абыроймен қорғайтындарына сенімді.