Талдықорғандық оқушылар робот жасау бойынша бүкіләлемдік олимпиадада 3-орынға ие болды

АСТАНА. ҚазАқпарат - Талдықорғандық оқушылар құрастырған робот-гироскоп Сочидегі робототехника бойынша бүкіләлемдік олимпиадада 3 орынға ие болды, деп хабарлады «Экспресс-К» газеті.

Робототехника пәнінің мұғалімі Николай Авдюнин айтқандай, бұл жоба бойынша ол 8-сынып оқушысы Ратмир Сартбаев пен 9-сынып оқушысы Бек Талғат екеуімен бір жылдан астам жұмыс жасаған. Алғашқы нұсқасын республикалық байқауда көрсеткен, кейін бұл роботты жетілдірген.

«Біздің робот-гироскопымыз ғарыш стансасының тұрған жерін бір сантиметрге дейінгі дәлдікпен түзеп, Күн энергиясын алу үшін фотоэлементтерді қажетті ракурсқа бағыттау үшін оны бұра алады», - дейді жас өнертапқыштар Ратмир Сартбаев пен Бек Талғат.