Талғарда лагерьде демалып жатқан 25 бала тауға шығам деп адасып кетті

ҚОНАЕВ. KAZINFORM — Алматы облысында 26 адам құтқарылды. 

Талғар ауданы Бесқайнар ауыл округі Таусамалы таулы аймағында құтқарушылар сауықтыру лагерінен 300 м қашықтықта жолдан адасқан ересек адам мен 8-15 жас аралығындағы 25 баланы іздеді.

Қабылданған шаралардың арқасында Республикалық жедел-құтқару жасағы адасқандарды тауып, қауіпсіз жерге жеткізді. 

Демалушылар медициналық көмекке мұқтаж емес.