Талғат Момышев Ұлттық аккредиттеу орталығына басшы болып тағайындалды

None
Фото: gov.kz
АСТАНА. ҚазАқпарат – Техникалық реттеу және метрология комитеті төрағасының бұйрығымен Ұлттық аккредиттеу орталығының Бас директоры болып Талғат Момышев тағайындалды, деп хабарлайды ҚазАқпарат тілшісі.

Талғат Амангелдіұлы Көкшетау облысы Щучье қаласында дүниеге келген. 1990 жылы Жамбыл гидромелиоративтік-құрылыс институтын инженер-құрылысшы мамандығы бойынша, 2001 жылы Алматы экономика және статистика институтын бітірген.

1997-1998 жылдары Жамбыл стандарттау, метрология және сертификаттау орталығында бөлім бастығы, директордың орынбасары;

2000-2003 жылдары - «Метрология» РМК Алматы филиалының директоры;

2003-2005 жылдары - «Казсертико» РМК директорының бірінші орынбасары, «Ұлттық сараптау және сертификаттау орталығы» АҚ өндірістік бөлімінің бастығы;

2005-2010 жылдары - Қазақстан Республикасы Индустрия және сауда министрлігі Техникалық реттеу және метрология комитеті төрағасының орынбасары;

2010-2014 жылдары ҚР Мұнай және газ министрлігі Мұнай-газ кешеніндегі мемлекеттік инспекция комитетінің төрағасы, кейін ҚР Энергетика министрлігінің Мұнай-газ кешеніндегі Экологиялық реттеу, мемлекеттік инспекция комитетінің төрағасы;

2017-2018 жылдары ҚР Президенті Әкімшілігінің мемлекеттік инспекторы;

2018-2019 жылдары Жамбыл облысы әкімінің орынбасары;

2019-2021 жылдары ҚР Энергетика министрлігінің жауапты хатшысы, Энергетика министрлігінің Аппарат басшысы қызметін атқарған.

Жаңа лауазымға тағайындалғанға дейін ҚР Экология, геология және табиғи ресурстар вице-министрі қызметін атқарған.


Соңғы жаңалықтар
telegram