TANECO кубогы: «Барыс» төртінші орынды місе тұтты

Қазақстандық команда 3-орын үшін сайыста Ресейдің «Локомотив» (Ярославль) командасына 0:4 есебімен есе жіберді.
Финалда «Ак Барс» (Қазан) және «Трактор» (Челябі) командалары сынға түседі.
Қазақстандық клуб аталған турнирдің топтық кезеңінде «Ак Барстан» 2:5, «Трактор» мен «Локомотивтен» 1:2 есебімен жеңіліп қалды.
Турнирдің тарихы 2020 жылдан бастау алады. Биыл оған алғаш рет шетелдік команда ретінде «Барыс» қатысып отыр.
Енді «Барыс» 20-25 тамыз күндері Ресейдің Омбы қаласындағы Блинов кубогына қатысады. Қарсыластары - «Авангард» (Омбы), «Локомотив» (Ярославль), «Нефтехимик» (Нижнекамск) және «Салават Юлаев» (Уфа) командалары.
Айта кетсек, «Барыс» Құрлықтық хоккей лигасындағы алғашқы ойынын 2 қыркүйекте «Салават Юлаев» клубына қарсы өткізеді.
Одан кейін 4 қыркүйекте ресейлік тағы бір команда «Сибирь» командасын қабылдайды.