Танымал актриса Мишель Трахтенберг қайтыс болды
АСТАНА. KAZINFORM — Танымал америкалық актриса Мишель Трахтенберг 26 ақпан күні Нью-Йорктегі өз үйінде қайтыс болды. Бұл туралы NBC полиция мәліметтеріне сілтеме жасап хабарлады.

Нью-Йорк полиция департаментінің хабарлауынша, таңғы сағат 08:00 шамасында төтенше қызметке қоңырау түскен. Оқиға орнына жеткен полиция қызметкерлері 39 жастағы әйелдің ес-түссіз жатқанын анықтаған.
Дәрігерлер актрисаның өмірден өткенін растады. Полиция қызметкерлері қасақана кісі өлтіру нұсқасын жоққа шығарды.
Өлімнің нақты себебін анықтау үшін Нью-Йорк сот-медициналық сарапшылары тергеу жүргізіп жатыр.
Мишель Трахтенберг көрерменге «Gossip Girl» («Өсекші қыз») және «Buffy the Vampire Slayer» («Вампир өлтіруші Баффи») сериалдарындағы рөлдерімен танымал.
Еске сала кетейік, бұған дейін Суданда әскери ұшақ апатқа ұшырағанын хабарлаған едік.