Танымал америкалық тревел-блогер Коннор Қазақстанға келді
АСТАНА. KAZINFORM – Қазақстанға танымал америкалық тревел-блогер Коннор келді.
Сапар аясында ол Қазақстанның Төтенше жағдайлар министрлігі бөлімшесіне барып, ведомствоның жұмысына ерекше қызығушылық танытты. Сондай-ақ 23 әмбебап құтқару бөлімінің қызметімен танысты.
- Блогерге іздестіру-құтқару операциялары кезінде қолданылатын заманауи техника мен жабдықтар көрсетілді.
Инновациялық үлгілер, соның ішінде Tesla Cybertruck және арнайы реанимобиль ерекше қызығушылық тудырды, - делінген ведомство дерегінде.
Мамандардың айтуынша, мұндай кездесулер Қазақстанға деген халықаралық қызығушылықты арттырып, Алматыдағы туристер қауіпсіздігінің жоғары деңгейін көрсетеді.
Айта кетейік, бұған дейін қытайлық танымал блогер Маңғыстауға қайта келгені хабарланған болатын.
