Танысын атып өлтіріп, көлігін ұрлаған ақмолалық іздестірілуде

Ақмола облысында танысын атып, көлігін ұрлап әкеткен 27 жастағы адамды полиция іздестіруде, деп хабарлайды Kazinform тілшісі

Аумақтық ПД баспасөз қызметінің мәліметінше, қылмыс 21 қарашада сағат 01:30 шамасында болған.

- Макинск қаласының 27 жастағы тұрғыны өзінің танысы, 23 жастағы жергілікті тұрғынды атып өлтіргені анықталды. Күдікті қаза болған адамның «Toyota Land Cruzer Prado 150» автокөлігін ұрлап, оқиға орнынан қашып кетті. Қазіргі уақытта күдіктіні ұстауға бағытталған жедел – іздестіру іс-шаралары жүргізілуде. Полиция департаментінің жеке құрамы мен күштері бағдарланған, - деді ПД баспасөз қызметінен.

Айта кетсек, бұдан бұрын Ақмола облысында зергерлік дүкенді тонаған қылмыстық топ мүшелері сотталғанын жазған едік.