Тапа тал түсте қызды тонамақ болған ер адамның әрекеті видеоға түсіп қалды
АСТАНА. KAZINFORM – Оқиға 12 ақпан күні Астанада болған. Белгісіз адам көшеде кетіп бара жатқан қызға шабуыл жасаған. Бұл туралы Polisia.kz сайты жазды.
Осы оқиғадан кейін күдікті бірден «ізін суытқан». Шабуылдаушыға бірден іздеу салынды.
Келіп түскен бағдар бойынша Абай облысының ПД қызметкерлері жұмылдырылды.
«Күзет патрульдері сағат 06:00 шамасында Семей қаласына кірер жолдағы «Ертіс» бақылау пунктінде Тоүота автокөлігінің салонында жолаушы ретінде отырған күдіктіні байқаған. Қазіргі уақытта күдікті ұсталып, жақын арада елордалық әріптестерге тапсырылады» - делінген хабарламада.
