09:24, 13 Мамыр 2012 | GMT +5
Тараз қаласында 2 балдық жер сілкінісі тіркелді
АСТАНА. 13 мамыр. ҚазАқпарат - Тараз қаласында 2 балдық жер сілкінісі тіркелді, деп хабарлады ҚР ТЖМ баспасөз қызметінен.

«ҚР Білім және ғылым министрлігі Ғылым комитеті Сейсмикалық тәжірибелік-әдістемелік экспедициясы» мемлекеттік мекемесінің мәліметтері бойынша Тәжікстан Республикасының аумағында энергетикалық санаты К-13,3 болатын жер дүмпуі тіркелді. Жер сілкінісінің негізгі ошағы Алматыдан 766 шақырым жерде болды. Оның әсері МSК-64 бағаны бойынша Тараз қаласында екі балл көлемінде байқалды. Абырой болғанда қаза тапқандар мен зардап шеккендер жоқ.