Тараз: тағы да бомба қойылғаны туралы жалған хабар

ТАРАЗ. 18 қараша. ҚазАқпарат /Галина Скрипник/ - Кеше 19:30-да, Таразда, облыстық төтенше жағдайлар департаментіне Жамбыл облыстық ІІД кезекшісінен облыстық жол полициясы басқармасының ғимаратына жарылғыш құрылғы қойылғаны туралы хабар келіп түсті. Бұл туралы Жамбыл облысы ТЖ департаментінің баспасөз қызметінен хабарлады.

Баспасөз қызметінің жетекшісі Руслан Иманқұловтың түсіндіруінше, жол полициясы ғимаратына Жамбыл облыстық ТЖД жедел тобы, құтқарушылар, сондай-ақ жеке құрамының 14 адамы мен 4 өрт сөндіру машинасы аттандырылды.

«Полиция қызметкерлерінің екжей-тегжейлі тексеруінің нәтижесінде жарылғыш зат табылмады, нысанға бақылау орнатылды», - деді Р.Иманқұлов.