Таразда құтқарушылар өрт кезінде 30-ға жуық адамды эвакуациялады

ТАРАЗ. KAZINFORM — Таразда ТЖМ құтқарушылары өрт кезінде 30-ға жуық адамды эвакуациялады. Бұл туралы ТЖМ баспасөз қызметі хабарлады.

Бүгін Жансая ықшам ауданында қоқыстың жануы салдарынан көппәтерлі тұрғын үй түтінге оранды.

— Келген өрт сөндірушілер қоқыстың жануын жедел түрде сөндіріп, баспалдақ маршымен түтінді кіреберістен 27 адамды, оның ішінде 6 баланы эвакуациялады, — делінген хабарламада. 

Зардап шеккендер жоқ. Өрттің себебі анықталып жатыр.

Айта кетелік жыл басынан бері 52 адам өрттен мерт болған еді.