Таразда облыс әкімінің жаңажылдық шыршасы өтті
Бұл туралы Жамбыл облысы әкімінің баспасөз қызметінен хабарлады.
Мерекелік шараға барлық аудандар мен Тараз қаласынан 9 бен 13 жастың аралығындағы жүз бала қатысты. Олар - облыста тұратын барлық ұлттың өкілдері. Қатысушылар арасында көп балалы және тұрмысы төмен отбасыларының балалары, жетім және ата-анасының қамқорлығынсыз қалған және мүгедек балалар бар.
Кішкентай қонақтарға облыс әкімінің шыршасында әртүрлі сыйлықтар: жылы киімдер, тәттілер, жұмсақ ойыншықтар сыйға тартылды. Көңілді кештен кейін олар двастарқан басына жиналды.
Бұдан басқа, балалар үшін мәдени бағдарлама ұйымдастырылды - олар «Еуразия» ойын-сауық орталығында болды, облыстық драма театрында жаңа қойылымды тамашалады, облыстық мұражайға және Тұңғыш Президент саябағына саяхат жасады.