Тас жолдағы велоспорттан Қазақстан чемпионаты аяқталды: топтық жарыстың нәтижесі

АСТАНА. KAZINFORM – Өскеменде тас жолдағы велоспорттан Қазақстан чемпионаты аяқталды.

ҚР ҰОК мәліметінше, жарыс бағдарламасының соңғы түрі топтық жарыс болды.

Ерлер арасында жеңіс Жетісу облысының өкілі Евгений Федоровқа бұйырды. Екінші болып оның жерлесі Антон Кузьмин келді. Үздік үштікті Солтүстік Қазақстан облысының спортшысы Даниил Марухин түйіндеді.

Әйелдер арасында Қызылорда облысының спортшысы Елизавета Склярова топ жарды. Астанадан келген Милана Котельникова екінші орынға ие болды. Ал үшінші орын Жетісу облысының спортшысы Евгения Заамға бұйырды.

Айта кетейік, Евгений Фёдоров тас жолдағы велоспорттан ел біріншілігінде екінші рет топ жарды.