Ташкент қаласында Қазақстан Тәуелсіздігінің 20 жылдығына арналған салтанатты қабылдау болып өтті

None
None
ТАШКЕНТ. 7 желтоқсан. ҚазАқпарат /Құрмат Самархан/ - Сейсенбі, 6 желтоқсан күні Ташкенттің «Интерконтиненталь» қонақ үйінде ҚР-ның Өзбекстандағы Елшілігімен ұйымдастырылған Қазақстан Республикасы Тәуелсіздігінің 20 жылдығына арналған салтанатты қабылдау болып өтті.

Салтанатты қабылдауды аша отырып, ҚР-ның Өзбекстандағы Төтенше және Өкілетті Елшісі Бөрібай Жексембин өзінің ерікті дамуының екі онжылдығы ішінде Қазақстан әлеуметтік-экономикалық дамуда, халықаралық қатынастардың глобальды жүйесінде айтарлықтай табыстарға қол жеткізгенін атап өтті.

«ЕҚЫҰ-ға, ШЫҰ мен Ислам ынтымақтастық ұйымына төрағалық етуі - бұл тек қана кеңінен танымал сыртқы саяси жетістіктер. Қазақстан - әлемде маңыздылығы бойынша төртінші орында тұрған ядролық қару арсеналынан өз еркімен бас тартқан мемлекет және Тәуелсіздік алған күннен бастап таратпау режимін нығайту бойынша жүйелі күш салуға шынайы беріліп отыр. Қазақстан бастамасы бойынша Біріккен Ұлттар Ұйымы 29 тамызды Ядролық сынақтарға қарсы Халықаралық әрекеттер күні деп анықтады, ол алғаш рет өткен жылы тойланды», - атап өтті Елші.

Биылғы жылы Қазақстан Республикасы мен Өзбекстан Республикасы арасында дипломатиялық қатынастардың қалыптасқанына 19 жыл толды. Біздің қарым-қатынастарымыздың үлкен әлеуетін стратегиялық серіктестікті сенімді өсіруге, екіжақты ынтымақтастықтың барлық бағыттары бойынша өзара іс-қимылдарды дамытуға жол ашады. «Өз елімнің басты мерекесін тойлай отырып, сонымен қатар ел басшылығы мен Өзбекстан халқын Тәуелсіздіктің 20 жылдығымен құттықтағым келеді», - деп түйіндеді сөзін Б.Жексембин.

Соңғы жаңалықтар
telegram