Ташкентте Coca-Cola, Pepsi, Evos және Safia компанияларына айыппұл салынды

ТАШКЕНТ. Kazinform - Ташкентте сыртқы жарнама мен ақпаратты орналастыру тәртібін бұзған компанияларға айыппұл салынды, деп хабарлайды Kazinform ӨР Бәсекелестік комитетіне сілтеме жасап.

2025 жылдың қаңтар-ақпан айларында комитеттің Ташкент қалалық басқармасы жарнама заңнамасының талаптарын сақтау бойынша зерттеулер мен мониторинг жүргізгені атап өтілді.

Жүргізілген зерттеу нәтижелеріне сәйкес өңірлік басқарманың арнайы комиссиясы Ташкент қаласында жұмыс істейтін 30-дан астам шаруашылық субъектілеріне, атап айтқанда, «COCA-COLA BEVERAGE UZBEKISTAN LTD» ЖШС, «INTERNATIONAL BEVERAGES TASHKENT» ЖШС (PEPSI), «MAK FOOD SERVICE» ЖШС (EVOS), «LUMIERI» ЖШС, «TURAN MEDIA» ЖШС , «OQTEPA FOOD SERVICE» MCHJ (Oqtepa Lavash), «BARATRUM» ЖШС-ға (Safia) қатысты іс қозғалды.

Олар «Жарнама туралы» заң және ӨР министрлер кабинетінің «Сыртқы жарнама нарығын реттеу туралы» №104 қаулысымен белгіленген сыртқы жарнаманы және ақпаратты орналастыру тәртібін бұзған.

Сондай-ақ, заң бұзушылықты жою және оның алдағы уақытта орын алуына жол бермеу бойынша міндетті тапсырмалар берілді.

Еске сала кетейік, АҚШ-тан тағы 10 өзбекстандық еліне қайтарылады.