Ташкентте Қазақстан мен Өзбекстанның ынтымақтастық перспективасы талқыланды

ТАШКЕНТ. ҚазАқпарат - Кеше ӨР Сыртқы істер министрлігінде Өзбекстан Республикасындағы Қазақстан Республикасының Төтенше және Өкілетті елшісі Бөрібай Жексембин Өзбекстан сыртқы істер министрінің орынбасары Жавлон Вахабовпен кездесті.

Дипломатиялық өкілдіктен хабарлағандай, кездесу барысында тараптар Қазақстан мен Өзбекстан арасындағы одан әрі ынтымақтастықтың песпективаларын, халықаралық ұйымдар аясындағы екі елдің өзара іс-қимылын талқылады.Бірқатар өзге де өзекті халықаралық және өңірлік мәселелер бойынша пікір алмасылды.