Тау шаңғысы туризмінің кірісі жағажай туризмінен 5 есе жоғары
Оның қаржыландыру көздері «Қазкоммерцбанк» (15 млрд.) пен «Қазақстан даму банкі» (15,8 млрд.) АҚ болды. 200 адамды тұрақты жұмыс орнымен қамтамасыз еткен бұл жоба республикадағы туризмнің дамуына тың серпін берді. Оның аясында Медеу мен Шымбұлақтың арасында сағатына 2 мың адамды тасымалдауға мүмкіндігі бар 4572 метрлік аспалы жол салынды. Онда жолаушылар 8 және 4 орындық 114 кабинамен 6 м/с. жылдамдықпен 14 минутта діттеген жеріне жете алады. Әлемдегі жетекші тау шаңғысы курорттары арасында 2010 жылы Шымбұлақ сырғанау маусымының ұзақтығы мен жылдық орташа қары (9 метр) және әуежайдан курортқа дейінгі жол уақыты бойынша (40 минут) 1-ші, базалық биіктік өлшемі бойынша (3-ші, биіктіктің жоғары өлшемі бойынша) 5-ші, трассасының ұзындығы (30 км) және трассадан өткізу мүмкіндігі жағынан (6 мың адам) 11-ші орын алады.
Тау шаңғысы туризмі бүгінгі таңда Алматы қаласындағы туризмнің басым 4 бағытының бірі болып отыр. Жалпы тау шаңғысы туризмінде туристер күніне орта есеппен 250 доллар жұмсайды екен. Бұл көрсеткіш жағажай туризмінде 50 доллар ғана. Тау шаңғысы туризмі кірісінің үлесі жалпы ішкі өнімде алдыңғы жылы Австрияда 8 пайыз, Швейцарияда 7 пайызға жуық, Франция мен Канадада 2 пайызға жуық, Италияда 1 пайызды құрады.