Тәуелсіздіктің 20 жылдығы қарсаңында «Солтүстік Қазақстан облысы еліміздің тәуелсіздік кезеңінде» атты жинақ жарық көрді
Облыстық мұрағаттар мен құжаттама басқармасының ұжымы жерлестеріне материалдар жинағын тарту етті. Жинақтың тұсаукесер рәсімі С.Мұқанов атындағы облыстық әмбебеп кітапханасында өтті. Оған қоғам өкілдері, Солтүстік Қазақстан облыстық М. Қозыбаев атындағы мемлекеттік университеттің ғалымдары, өлкетану және мұрағат мекемелерінің қызметкерлері қатысты.
Облыстық мұрағат және құжаттама басқармасының басшысы Рүстем Бикеновтың айтуынша, жинаққа енген мұрағаттық материалдар үш негізігі бөлім бойынша құрылған. Атап айтсақ, оқиғалар мен фактілердің хронологиясы, әр жылдар кезеңіндегі құжаттар мен фотоматериалдар.
Жинаққа 451 мұрағаттық материал енген. Айта кетейік, тәуелсіздік мерейтойы қарсаңында бір топ мұрағатшы ҚР Ақпарат және байланыс министрлігінің құрмет грамоталарымен, СҚО әкімінің құрмет грамоталары және алғысхаттарымен, облыстық кәсіподақтар кеңесінің грамоталарымен марапатталған болатын.