Таяу Шығыстан Жапонияға мұнай импорты рекордтық төмен деңгейге жетті
АСТАНА. KAZINFORM – Ормуз бұғазының іс жүзінде жабылуы аясында сәуір айында Таяу Шығыстан Жапонияға шикі мұнай импорты өткен жылдың сәйкес кезеңімен салыстырғанда 67%-дан астамға төмендеп, ай сайынғы рекордтық ең төменгі деңгейге жетті, деп хабарлайды Kyodo.
Жапония Қаржы министрлігі сауда статистикасының алдын ала мәліметтеріне сәйкес, сәуір айында Таяу Шығыстан 3,84 млн килолитр мұнай импортталған, бұл 1979 жылы салыстырмалы деректер басталғаннан бері ең төменгі көлем.
Айта кету керек, ел импорттайтын мұнайдың 90%-дан астамы Таяу Шығыс аймағына тиесілі.
Жеткізілім көлемінің төмендеуі ішінара АҚШ-тан жеткізілімдермен өтелді: есепке сәйкес, Жапония олардан 273 мың текше метр сатып алды, бұл алдыңғы жылмен салыстырғанда 206 есе көп.
Алайда премьер-министр Санаэ Такаичи Жапонияның мұнай тапшылығына тап болмағанын бірнеше рет мәлімдеді. Ол елдің Ормуз бұғазынан басқа жолдарды пайдалана отырып маусым айына дейін өткен жылдың сол айында алған отынның 70%-дан астамымен өзін-өзі қамтамасыз ететінін атап өтті. Премьер-министр атап өткендей, үкімет босатуға шешім қабылдаған мұнай қорларын ескергенде бұл жеткілікті болады.
Еске салсақ, Жапония наурыз айынан бастап өзінің стратегиялық қорындағы мұнайды сата бастады.
Сондай-ақ Жапонияның қазақстандық мұнайға көшуді көздеп отырғаны хабарланды.
