Таяу Шығысты 10 мың жылдық құрғақшылық күтуде

АСТАНА. ҚазАқпарат - Америкалық ғалымдар Таяу Шығыстың климаты өзгерістерін талдаудан өткізіп, жағымсыз тұжырым жасады.

Journal of Quaternary Science-қа жарияланған зерттеу таяушығыс елдерінің үмітін үзді. Ғалымдардың пікірінше, бұл өңірде таяу болашақта да, ұзақмерзімді болашақта да ылғал болмайды, ал өңірлік құрғақшылық алдағы 10 мың жыл бойы жалғасуы мүмкін.

Ғалымдар Иранның солтүстігіндегі Кале-Корд үңгіріндегі сталагмиттердің құрамына талдау жасау арқылы осындай қорытындыға келіп отыр. Аптап ыстық, керісінше жаңбыр мен желдің сиреуі, ғалымдардың пікірінше, тұрақты болуы мүмкін. 

Фото: © AFP 2017 / Noah Seelam