Тайландтағы авиашоуда жойғыш ұшақ апатқа ұшырады
АСТАНА. ҚазАқпарат - Ұлттық балалар күнін мерекелеу кезіндегі авиашоуда Тайланд әуе қарулы күштерінің JAS 39 Gripen жойғыш ұшағы апатқа ұшырап, ұшқыш қаза тапты.
Бұл туралы Bangkok Post хабарлайды.
Оқиға жергілікті уақытпен сағат 09:27-де Сонгкхла провинциясы, Хатъяй қаласында болған. Жойғыш ұшақ құлаған сәтте жарылып, толықтай жанып кеткен.
Ұшу-қону жолағын тазарту үшін жергілікті әуежай уақытша жабылды, барлық ұшақтар басқа әуе айлағына бағытталды, деп хабарлады жергілікті БАҚ.
Әуе қарулы күштерінің қолбасшылығы ТЖ тергеу үшін комиссия құрды. Таиландтың премьер-министрі Прают Чан-Оча қаза тапқан ұшқыштың отбасына көңіл айтты.
