Тайвань сенсациясы: Сәби 5 мың жыл анасының құшағында болған
АСТАНА. ҚазАқпарат - Тайвань археологтары сенсациялық жаңалық ашты. Олар сәбиін қолына алған ананың мәйітін тапты. Нәресте анасының құшағында 5 мың жылдай болған екен.
Бұл туралы NTD телеарнасы хабарлады.
Жаратылыстану ғылымдарының ұлттық мұражайы антропология бөлімінің сақтаушысы Чжу Хуэйли археологтар мен мұражай қызметкерлері бұған таң қалғандықтарын айтты.
Әйелдің тістері арқылы оның 4800 жыл бұрын, неолит дәуірінде өмір сүргені анықталды. Жасы шамамен 20-ларда болған, ал нәрестесінің тісі шықпаған.
Бұл мәйіттердің жанынан археологтар ежелгі ыдыс-аяқтар мен 48 адамның мүрдесін тапты.
