Темекі өндірісі Алматы облысы бюджетіне 158,2 млрд теңге әкелді
АСТАНА. KAZINFORM — Аталған өңірде тамақ, сусын және темекі өндірісі ілгері дамыған. Толығырақ облыс әкімі Марат Сұлтанғазиев айтып берді.
— Алматы облысының экономикасының үштен бір бөлігінен астамын өнеркәсіп өндірісі мен агроөнеркәсіп кешені құрайтын агро-индустиралды аймақ болуы мүмкіндік беріп отыр. Көлемі 1,5 трлн теңгеден астам өнеркәсіп өндірістің шамамен 90%-і өңдеу секторына жатады. Олардың ішінде көлемнің үштен екісі тамақ, сусын және темекі өндіреді, — деді Марат Сұлтанғазиев өңірдің әлеуметтік-экономикалық дамуы туралы есеп бере тұрып.
Осы орайда әкім өңірде өндіріс көлемін ұлғайту үшін әлемдік жетекші компаниялардың келіп жатқанын айтты.
— «Pepsi Co» компаниясы 300 жұмыс орынын құра отырып, құны 175 млн доллар болатын Lays чипсыларын өндіретін зауытты іске қосуды жоспарлап отыр. Біздің облыс «JTI» және «Philip Morris» сияқты әлемге әйгілі компаниялар жұмыс істейтін, елдегі темекі өнімдерін өндіруші жалғыз өңір. Биыл 10 айда темекі кәсіпорындары бюджетке 158,2 млрд теңге әкелді, бұл жергілікті бюджетке түскен барлық салық түсімінің 37,4%-н құрайды. 2026 жылы кореялық «KT& G» компаниясы құны 80 млрд теңгеге тағы бір зауытты іске қосу жоспарланған. Сонымен қатар биыл «ТехноНИКОЛ» компаниясы құны 44 млрд теңгені құрайтын еліміздегі жылу оқшаулағыш материалдарының ең ірі өндірісін іске қосып, 220 жұмыс орны ашылды. Бұл ішкі нарықтағы сұраныстың 20%-ін жауып, импортқа тәуелділікті азайтады, — дейді брифинг барысында.
Бұған дейін Марат Сұлтанғазиев Қапшағайда төрт және бес жұлдызды бірнеше қонақүй салынатынын айтты.
