Темірлан Райымқұлов швед боксшысынан жеңіліп қалды

НҰР-СҰЛТАН. ҚазАқпарат – Жеңіліп көрмеген қазақстандық боксшы кәсіпқой рингтегі алғашқы сәтсіздігін бастан кешірді, деп хабарлайды ҚазАқпарат Қазақстан кәсіпқой боксының әлеуметтік желідегі қауымдастығына сілтеме жасап.

Орта салмақтағы қазақстандық боксшы Темірлан Райымқұлов (2-0-2) кәсіпқой рингтегі үшінші жекпе-жегін өткізді. Жеңіліп көрмеген 28 жастағы спортшы күні кеше Ресейдің Геленджик қаласында өткен бокс кешінде өнер көрсетті.

Оның қарсыласы да - жеңілмеген тәжірибелі швед боксшысы Шади Гамхур (10-0, 8КО) болатын. Өзі Швеция тумасы болғанымен, АҚШ-та жаттығады. Айқас 8 раундқа есептелген еді, алайда жетінші раундта, уақытынан бұрын аяқталды. Қос боксшы аңдаусызда бастарын түйістіріп алған соң жекпе-жек тоқтатылып, жеңіс сол кезге дейін үздік ойын көрсетіп, ұпай санын еселеп үлгерген шведке бұйырды.

Осылайша, Темірлан Райымқұлов мансабындағы алғашқы жеңілістің ащы дәмін татты, ал Гамхур 11-ші жеңісіне қол жеткізді.