Теңізшілерді даярлаудың отандық жүйесін «ақ тізімге» енгізу туралы ХТҰ-ға тапсырыс жолданды.

АСТАНА. ҚазАқпарат - Теңізшілерді даярлаудың қазақстандық жүйесін «ақ тізімге» енгізу туралы Халықаралық теңіз ұйымына (IМО) тапсырыс жолданды.

ҚР ИДМ мәліметіне қарағанда, ұйым 2016 жылы елімізде аудит жүргізуді жоспарлап отыр. Аудит жүргізу кезінде саланы реттейтін барлық мемлекеттік жүйелер тексерілетін болады. Оның негізгі міндеті ұлттық заңнамаларды IMO талаптарына сәйкестендіру, теңізде жүзу қауіпсіздігі және теңіз ортасын қорғау мәселелері бойынша ведомствоаралық өзара қарым-қатынасты жетілдіру.