Теннис: Александр Бублик ATP турнирлерінде эйс саны жөнінен көш бастап келеді

НҰР-СҰЛТАН. ҚазАқпарат – Қазақстанның бірінші, әлемнің 42-ракеткасы Александр Бублик биылғы маусымда ATP турнирлерінде эйс саны жөнінен көш бастап келеді, деп хабарлайды ҚазАқпарат тілшісі.

Қазақстан теннис федерациясы мәлім еткеніндей, 23 жастағы А.Бублик биылғы төрт айда 24 матчта 296 эйс жасап үлгерді.

Аустралиялық Алексей Попырин екінші орында, ол 17 кездесуде 197 эйс жасаған. 20 бәсекеде 195 эйске қол жеткізген ресейлік Даниил Медведев үздік үштікті түйіндеп тұр.

Содан кейінгі орындарда мына теннисшілер келеді:

4. Андрей Рублев (Ресей) — 185 (29)

5. Хуберт Хуркач (Польша) — 171 (21)

6. Александр Зверев (Германия) — 171 (16)

7. Милош Раонич (Канада) — 165 (11)

8. Райли Опелка (АҚШ) — 157 (8)

9. Тэйлор Фритц (АҚШ) — 156 (19)

10. Ллойд Харрис (ОАР) – 151 (14)

Еске сала кетейік, бұдан бұрын Александр Бубликтің Барселона турнирінің үшінші айналымына шыға алмағанын жазған болатынбыз.