ТЕННИС: Дэвис кубогында Қазақстан құрамасы сербиялықтармен күш сынасады

АСТАНА. ҚазАқпарат - Чилиде 2016 жылғы Дэвис кубогының жеребесі тартылды.
None
None

Чемпионат.ком сайтынан алынған мәліметке қарағанда, әлемдік топтағы барлық сегіз жұп белгілі болды. Соның ішінде Сербия теннисшілері өз алаңында Қазақстан құрамасын қабылдайды. Сондай-ақ Ұлыбритания Жапониямен, Италия Швейцариямен, Польша Аргентинамен, Франция Канадамен, Германия Чехиямен, Австралия АҚШ-пен, Бельгия Хорватиямен күш сынасады.

Сербиялықтар 2010 жылы Дэвис кубогын жеңіп алғаны белгілі. Оның құрамында әлемнің бірінші ракеткасы Новак Джокович ойнайды.

Айта кетейік, биылғы Дэвис кубогында Қазақстан құрамасы ширек финалға дейін жетіп, онда Австралияға жол берген болатын. Әлемдік топта қазақстандықтар 2011 жылдан бері өнер көрсетіп келеді.

Соңғы жаңалықтар