Теннис: Елена Рыбакина Аделаида турнирінде жеңіліп қалды
НҰР-СҰЛТАН. ҚазАқпарат – Қазақстанның 1-інші, әлемнің 14-ракеткасы Елена Рыбакина Аделаида (Аустралия) турнирінің финалында жеңіліп қалды, деп хабарлайды ҚазАқпарат тілшісі.
Қазақстандық теннисші финалда әлемнің 1-ракеткасы, аустралиялық Эшли Бартимен шеберлік байқасты.
Бұл ойында аустралиялық теннисші 6:3, 6:2 есебімен жеңіске жетті.
Е.Рыбакина финалда есе жібергенімен, бұл додада өте табысты өнер көрсетті. Аустралия ашық чемпионаты алдындағы бәсекеде оның финалға жетуін үлкен жетістік деп бағалауға болады.
Еске сала кетейік, бұдан бұрын Елена Рыбакинаның Аделаида турнирінің ақтық сатысына шыққанын жазған болатынбыз.
