Теннис: Зарина Дияс Бейжің турнирінің іріктеу сайысын сәтті бастады

НҰР-СҰЛТАН. ҚазАқпарат - Қазақстандық Зарина Дияс Бейжің WTA турнирінің іріктеу сайысын сәтті бастады, деп хабарлайды ҚазАқпарат тілшісі.

Әлемнің 78-ракеткасы З.Дияс дүниежүзілік рейтингте 89-орында тұрған венгриялық Тимея Бабошпен кездесті.

Бірінші партияда қазақстандық теннисші айқын басымдылық көрсетті - 6:1.

Екінші сетте де Зарина есесін жіберген жоқ - 6:4.

Бәсеке 1 сағат 12 минутқа созылды.

Зарина іріктеу сайыстарының финалында әлемнің 66-ракеткасы, ресейлік Анна Блинкова немесе рейтингте 108-сатыдағы қытайлық Чжу Линьнің біреуімен кортқа шығады. Онда ұтса, негізгі жарысқа жолдама алады.

Еске сала кетейік, бұдан бұрын Елена Рыбакинаның Ухань турнирінде жеңіліп қалғанын, ал Александр Бубликтің Чэнду додасының ширек финалына шыққанын жазған болатынбыз.