Теннисші Андрей Голубев Мюнхен турнирінің жартылай финалына шықты
А.Голубев франциялық Фабрис Мартенмен бірге ширек финалда сербиялықтар Иван және Матей Шабановтармен шеберлік байқасты.
Бірінші партия барысында брейк жасаған қазақстандық-франциялық жұп сол басымдығынан айырылған жоқ, есеп – 6:3.
А.Голубев пен Ф.Мартен екінші сетте де брейк жасап, алға шыққанымен, матчқа доп бергенде, сол мүмкіндікті пайдалана алмады, есеп – 5:5. Дегенмен, тағы бір брейк жасап, сосын матчты жеңіспен түйіндеді, есеп – 7:5.
Сағат жарымнан астам уақытқа созылған бәсекеде қазақстандық-франциялық жұп 2 эйспен бірге 7 брейк-пойнттың үшеуін пайдаланды.
А.Голубев пен Ф.Мартеннің жартылай финалдағы қарсыластары кейін анықталады.
Тағы бір қазақстандық Денис Евсеев жекелей сында Рим челленджер турнирінің ширек финалына шыға алмады. Ол италиялық Джанмарко Морониге 0:6, 1:6 есебімен жол берді.
Еске сала кетейік, бұдан бұрын теннистен қазақстандық теннисшінің Мюнхенде олимпиада чемпиондарын ұтқанын жазған болатынбыз.
Сондай-ақ қазақстандық теннисші Португалиядағы турнирдің ширек финалына шықты.
Александр Бублик «Мен – қазақпын» деп айтты.