Теннистен Дэвис кубогы: Қазақстан – Пәкістан матчының жеребесі тартылды

АСТАНА. KAZINFORM – Бүгін Астана қаласында Дэвис кубогы бірінші әлемдік тобында 1-2 ақпан күндері өтетін Қазақстан – Пәкстан плей-офф матчының жеребесі тартылды.

теннис
Фото: Қазақстан теннис федерациясы

Сенбі күні ойын шымылдығын Александр Шевченко ашады. Ол пәкстандық Музамиль Муртазаны сынап көреді.

Одан кейін Beeline Arena орталық кортында Бейбіт Жұқаев пен Хузайфа Абдул Рехманға кезек келеді.

Жексенбі күні Александр Шевченко – Тимофей Скатов жұптық сында Акел Хан – Музамиль Муртазамен шеберлік байқасады.

Сондай-ақ жекелей сында Александр Шевченко – Хузайфа Абдул Рехман, Бейбіт Жұқаев – Музамиль Муртаза кездесулері жоспарланған.

Құрама капитандары бәсекеге бір сағат қалғанға дейін ойыншыларды алмастыра алады.

Матчта үш ұтысқа қол жеткізген команда жеңімпаз атанады.

Еске сала кетейік, бұдан бұрын Пәкстанмен өтетін кездесуде ел намысын қорғайтын теннисшілер белгілі болғанын жазған едік.

Соңғы жаңалықтар