Теннистен Қазақстан жасөспірімдер құрамасы Үндістанмен ойнайды

НҰР-СҰЛТАН. ҚазАқпарат - Үндістанның Нью-Дели қаласында 14 жасқа дейінгілер арасында командалық әлем чемпионаты Азия/Тынық мұхит аймағы іріктеу турнирінің топтық бәсекелері аяқталды, деп хабарлайды ҚазАқпарат тілшісі.

Қазақстан теннис федерациясы мәлім еткеніндей, бүгін қазақстандық қыздар D тобында Өзбекстан құрамасын 2:0 есебімен тізе бүктірді.

Осылайша өз тобындағы қарсыластарының бәрін жеңген Қазақстан жасөспірімдер құрамасы ширек финалға бірінші орынмен жолдама алды.

Қазақстандықтар ертең жартылай финалға шығу үшін Үндістан құрамасымен таласады. Корт иелерімен өтетін матчтың оңайға соқпайтыны анық.

Еске сала кетейік, бұдан бұрын Юлия Путинцеваның Ыстанбұл турнирінің екінші айналымына шыққанын жазған болатынбыз.