Терроризмді насихаттады деген күдікпен Қарағанды тұрғыны ұсталды
Кеше, 3 қаңтарда Ұлттық қауіпсіздік комитеті прокуратура органдары және полициямен бірге Қарағанды облысының тұрғынын ұстады, деп хабарлайды Kazinform.
Ол жұмыс орнында және әлеуметтік желі арқылы терроризмді насихаттады деп айыпталып отыр.
Тергеу барысында заттай дәлелдемелер алынды.
Қылмыстық кодекстің 256-бабының 2-бөлігі бойынша сотқа дейінгі тергеу амалдары жүріп жатыр.
Қылмыстық-процестік кодекстің 201-бабының 1-бөлігіне сәйкес өзге ақпарат жарияланбайды.
