Терроризмді насихаттаған Алматы облысының тұрғыны ұсталды
31 қазанда Ұлттық қауіпсіздік комитеті полиция органдарымен бірлесе Алматы облысының тұрғынын ұстады. Ол терроризм идеяларын насихаттады деп күдіктелуде, деп хабарлайды Кazinform.
«Оның тұрғылықты жерін тінту кезінде діни әдебиеттер мен өзге де заттай дәлелдемелер тәркіленді. Қылмыстық кодекстің 256-бабының 1-бөлігі бойынша сотқа дейінгі тергеп-тексеру жүргізіліп жатыр. Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды», - делінген ҰҚК баспасөз қызметі ұсынған мәліметте.
