Терроризмді насихаттаған кентаулық 7 жылға сотталды

ТҮРКІСТАН. KAZINFORM — Ол әлеуметтік желі арқылы таныстарына діни радикалды видеолар жіберген.

Түркістан облысының Кентау қалалық сотында телекоммуникация желілерін пайдаланыла отырып, терроризмдi насихаттаған сотталушыға қатысты қылмыстық іс қаралды.

Сотталушы «тelegram» интернет-мессенджері арқылы өзінің таныстарына діни радикалды көзқарастағы бейнефайлдарды жіберген. Сот үкімімен ол ҚК-нің 256-бабы 2-бөлігімен кінәлі деп танылып, 7 жыл мерзімге бас бостандығынан айырылды.

— Сот отырысында айыпталушы өзінің кінәсін толық мойындап, өкінетінін жіткізді. Сотталушының кінәсі куәлердің жауаптарымен, сараптама қорытындыларымен және істің басқа да құжаттарымен дәлелденді. Сот, оның жауапкершілігін жеңілдетенін мән-жайларға жасөспірім балаларының болуын ескерді, ал ауырлататын мән-жайы анықталмады. Үкім заңды күшіне енген жоқ, — делінген Түркістан облыстық сотының баспасөз қызметі ұсынған ақпаратта.

Айта кетейік, бұдан бұрын Жамбыл тұрғыны терроризмді насихаттағаны үшін 7 жылға сотталғанын жазған болатынбыз.