Тимофей Скатов Германиядағы турнирдің 1/8 финалына өтті

АСТАНА. KAZINFORM – Қазақстандық, әлемнің 242-ракеткасы Аугсбург (Германия) челленджер турнирінің екінші айналымына өтті.

Жарыстың 1-ракеткасы болып тіркелген қазақстандық спортшы алғашқы айналымда дүниежүзілік рейтингіде 370-орында тұрған мысырлық Мохамед Сафватты жолдан тайдырды.

Сағат жарымнан астам уақытқа созылған матчта Скатов 6:4, 6:3 есебімен жеңіске жетті. Ол 1 эйспен бірге 6 брейк-пойнттың үшеуін мүлт жіберген жоқ.

Тимофей Скатов ширек финалға шығу үшін әлемнің 460-ракеткасы, италиялық Андреа Пиккьоне немесе рейтингіде 547-сатыдағы словакиялық Норберт Гомбоштың қай жеңгенімен шеберлік таластырады. 

Еске сала кетейік, бұдан бұрын Александр Шевченконың Женева жарысын жеңіспен бастағанын жазған болатынбыз.

Сондай-ақ Александр Недовесов Швейцариядағы турнирдің ширек финалына жолдама алды.